About SPCTGet to Know About Us

શ્રી સુરેન્દ્રનગર જીલ્લા કડવા પાટીદાર સમાજ- અમદાવાદ દ્રારા તા. ૦૩/૦૧/૨૦૧૦ ના રોજ “ સમાજ સમર્પિત મહોત્સવ” નું આયોજન કરવામાં આવેલું હતું. જેમાં સમાજના આગેવાનો તથા શ્રેષ્ઠીઓ દ્રારા કુમાર છાત્રાલય શરૂ કરવા માટે નિર્ણય લેવાયો હતો. ત્યારબાદ તા. ૨૪/૦૪/૨૦૧૧ ના રોજ શ્રી ઉમિયા માતાજી મંદિર સીદસર પ્રેરિત સમૃદ્ધિ યોજના અંતગર્ત અમદાવાદ મુકામે સુરેન્દ્રનગર પાટીદાર ચેરીટેબલ ટ્રસ્ટ, અમદાવાદ (SPCT) દ્રારા નવ નિર્માણાધીન સંકુલ અન્વયે સમાજ સમૃદ્ધિ મહોત્સવ યોજાયેલ જેમાં શ્રી ઉમિયા માતાજીની ભવ્ય રથયાત્રા નું આયોજન કરવામાં આવેલ સમાજ સમૃદ્ધિ મહોત્સવને સફળતાના શિખરે પહોચાડવા શ્રી ઉમિયા માતાજી સીદસરથી દિવ્ય સમૃદ્ધિ રથમાં બિરાજમાન થઇને અમદાવાદના આંગણે પધારી પરિવારજનોને સાક્ષાત્કાર કરાવી તૃપ્ત અને સમૃદ્ધ કરે તે ઉદેશથી રથયાત્રાનું ભવ્ય આયોજન કરેલ.

SPCT અમદાવાદ દ્રારા તા. ૨૧/૦૪/૨૦૧૩ ના રોજ સમાજ ઉત્કર્ષ મહોત્સવ યોજવામાં આવેલ. જેમાં સમાજ શ્રેષ્ઠી તથા દાતાઓ શ્રી દ્રારા અદભુત દાનની સરવાણી થયેલ તથા સમાજ આગેવાનો દ્રારા કુમાર છાત્રાલયના સંકુલના નિર્માણ નો સંકલ્પ કરવામાં આવ્યો. વર્ષ ૨૦૧૩-૧૪માં કુમાર છાત્રાલયની શુભ શરૂઆત ભાડાના મકાનમાં કરવામાં આવી હતી. (૪,સેટેલાઈટબંગ્લોઝ, માનસી ચાર રસ્તા, વસ્ત્રાપુર, અમદાવાદ) ૦૧/૦૬/૨૦૧૩ થી શરૂઆત કરી જેમાં આશરે ૮ રૂમ માં ૪૦ વિધાર્થીઓને રહેવાની અને જમવાની સુવિધા કરવામાં આવેલ. ત્યારબાદ વર્ષ ૨૦૧૪ - ૧૫ માં રાજપથ બોડકદેવ અમદાવાદ ખાતે ભાડાના મકાનમાં ૨૦ રૂમોમાં ૧૦૦ વિદ્યાર્થીઓને રહેવા તથા જમવાની સુવિધા કરવામાં આવી. આવી રીતે આપણું પોતાનું SPCT સંકુલ શરૂ કરતા પહેલા આશરે ૪ વર્ષ દાતાઓના સહકારથી ભાડાના મકાનમાં વિદ્યાર્થીઓને રહેવા જમવાની સુવિધા આપવામાં આવેલ.

સપ્ટેમ્બર- ૨૦૧૬માં આશરે ૨૪,૦૦૦ ચો. ફૂટ જગ્યા ખરીદવામાં આવી અને કુમાર છાત્રાલય સંકુલના બાંધકામની શરૂઆત કરવામાં આવી. ભૂમિપૂજન તા. ૧૨/૧૧/૨૦૧૬ ના રોજ કરવામાં આવ્યું પ્લાન પાસ કરવા માટેની કાર્યવાહી કરીને આગળનું કામ કરવામાં આવ્યું. સ્નેહ મિલન સંમેલન તા. ૧૯/૧૧/૨૦૧૭ માં કરવામાં આવ્યું લોકાર્પણ સમારોહનું આયોજન તા. ૨૯/૦૪/૨૦૧૮ માં કરવામાં આવ્યું તેમજ વિધાર્થીઓ ને રહેવા માટે જુન -૨૦૧૮ થી એડમીશન આપવાની શરૂઆત કરવામાં આવી હતી.